На Скопје му претстои еколошка катастрофа, а Градоначалникот Шилегов ја замајува јавноста со периферни теми, велат од ВМРО-ДПМНЕ.

Оттаму посочуваат дека ЈП „Дрисла“ договорило, а Град Скопје воден од Шилегов молчи за пренесување на Струшката депонија во Скопје. 200 илјади тони отпад во распаѓање и оти тој ќе биде пренесуван низ Скопските улици и општини со цел да се транспортира во општина Студеничани каде што се наоѓа Дрисла.

-200 илјади тони отпад се еколошка потенцијална бомба и извор на заразни болести за граѓаите. Шилегов наместо метропола од Скопје прави главна депонија во државата. Струшката депонија под претпоставка да е стара десетина години значи дека се работи за околу 200 илјади тони отпад. Дополнително во Дрисла се слеваат 150 илјади тони отпад годишно од подрачјето на Скопје и 35 илјади тони отпад од Тетово. Ова е премногу за градот Скопје, под закана се сите општини под градот Скопје, се вели во соопштението од ВМРО-ДПМНЕ.

Оттаму потенцираат дека Шилегов без заобиколување треба да понесе одговорност и да реагира пред да биде предоцна и пред да се случи еколошка катастрофа.

-Треба да одговори на прашањата: дали е спремен да превземе одговорност доколу се случи да има појава на заразни болести, чиви бизнис и политички интереси седат зад ваквата операција, дали се работи за политички пазар меѓу коалционите партнери на власт, што е со средствата со кој владата се фалеше дека ќе ја решава струшката депонија, дали бизнисот е повреден од човечкото здравје, и дали вака Шилегов ќе се бори за почист воздух за скопјани?, велат од ВМРО-ДПМНЕ.

Оттаму посочуваат дека според акцискиот план за управување со отпад треба да се направат депонии во секој од осумте плански региони, а не цела Македонија отпадот да го носи во Дрисла.