среда, 8. ноември 2023. Вести денес: 0
home Вести

Вода навлезе во куќи во Ласкарци и Буковиќ по синоќешниот пороен дожд во скопско

Вода навлезе во куќи во Ласкарци и Буковиќ по синоќешниот пороен дожд во скопско

Регионалниот ЦУК Скопје известува дека по силниот пороен дожд што го зафати градот Скопје во ноќните часови во с.Ласкарци и с.Буковиќ, во Општина Сарај поројната вода навлегла во поголем број куќи, подрумски простори и на повеќе улици.

На терен беше БППЗ на Град Скопје со 3 пожарникари и 1 ПП возило, при што интервенирале на најзагрозените реони.

Во утринските часови контактирано е со ЈП Водовод и Канализација – Скопје, и од нив е добиена информација дека во текот на денешниот ден ќе излезат на терен за расчистување на улиците од кал и за испумпување на водата од куќите. За настанатата состојба беше известена Општина Сарај за понатамошна постапка.

Од УХМР изврстуваат дека од пладневните часови на повеќе места во државата времето ќе биде нестабилно со пороен дожд, грмежи и засилен ветер. Локално процесите ќе бидат во форма на невреме со интензивен пороен дожд, грмежи, силен ветер и појава на град.

Најнови вести