Премиерот Зоран Заев по завршувањето на денешниот состанок на Кризниот штаб посочи дека Владата и институциите се целосно подготвени и наредбите за прогласување на кризната состојба ќе бидат дадени. Не се исклучува можноста во иднина да биде донесена одлука за ограничување на движењето.
– Не се исклучува можноста за полициски час. Во моментов не се разгледува, но тоа е работа на Комисијата за заразни болести, која има надлежност да побара. Останува препораката да не се движиме по 21 час, освен ако имаме неопходна потреба. Кога се прогласува кризната состојба има дебела причина зошто тоа се прави. Се ова е со цел да се има болнички капацитети, посочи премиерот Заев.