Премиерот Зоран Заев призна дека сака по секоја цена да го промени Уставот на Република Македонија за да го промени уставното име. Во неговото гостување на „Само Вистина“ на Канал 5 Телевизија, говорејќи за  промената на уставното име и законот за името, Заев се закани и дека нема да дозволи претседателот Ѓорге Иванов да стави вето на законот за промена на името.

Имено, Заев потенцираше дека ако договорот биде попречен ќе најде начин да се донесе тој закон и истакна  дека нема да дозволи вето од страна на претседателот.

– Досега е попречен во функционалноста парламентот со законот за јазиците. Не дај Боже и овде да биде попречен. Кога некој џебно вето, не знам какво е го употребува. Нема да дозволиме такви работи, рече Заев.