Доколку бевте искрен во своите намери премиере Заев, и тоа кон нас пратениците и кон граѓаните, наместо читање кратки биографии, требаше да ни кажете зошто баш тој кандидат за тоа место. Или на пример, како вашиот кандидат Ангеловска планира да ја извлече Македонија од оваа ситуација? Нас ни треба да слушнеме објаснување како би се реализаирала одредена политика, рече Лилјана Затуроска пратеник од ВМРО-ДПМНЕ на седницата за избор на новите министри предложени од премиерот Заев.

Конкретно говорејќи за кандидатот за финаснии Нина Ангеловска, Затуроска рече дека Заев треба да објасни за многу политики што се планирани од страна на новата министерка за финансии.

-Премиере требаше да ни кажете за нејзината визија, како планира да го менаџира Буџетот, не слушнав какви мерки, стратегии планира за да ја стопита вашата намера за задолжување на државата. Потоа треба да слушнеме какви мерки ќе преземе за странски инвестии, пишува во кратката биографија дека ќе овозможи младите да ги задржи во земјава, но не кажа со кои мерки. Не е мерка ако на своите вработени им плаќа 12.500 денари. Тогаш ова не е мерка за задржување на младите, рече Затуроска.