Пејачката Рита Ора ќе настапи за време на ревијалниот дел на првото полуфинале на годинашното издание на Изборот на песна за Евровизија.
Имено, првото полуфинале на Евровизија ќе го отвори водителката Јулија Санина, изведувајќи дел од песната „Maâk“ на нејзината музичка група „Хардкис“. Истата вечер, Рита Ора ќе изведе микс од нејзините најголеми музички хитови, но и премиерно ќе ја изведе нејзината нова песна „Praising You“.
Исто така, и украинската пејачка Аљоша, која ја претставуваше Украина на Евровизија во 2010 година, ќе има свој настап со британската музичарка Ребека Фергусон.
За време на второто полуфинале ќе настапи и украинската пејачка Марија Јаремчук, заедно со раперот OTOY и 14-годишната украинска претставничка на минатогодишната Детска Евровизија, Злата Џиунка.
Наскоро ќе бидат објавени и имињата на музичките ѕвезди кои ќе настапат за време на големото финале на Евровизија.
Како потсетување, годинашното издание на Евровизија ќе се одржи од 9 до 13 мај, во Ливерпул, Велика Британија.
Поврзани вести
ВИДЕО: Ова никој не го очекуваше – Новак Ѓоковиќ во друштво на Рита Ора го гледаше финалето на СП во рагби
ВО СЕКСИ ИЗДАНИЕ ДОПОЛНИТЕЛНО ЈА ЗАПАЛИ СЦЕНАТА – Рита Ора блесна на Евровизија, но милионите гледачи гледаа во овој дел од облеката (ВИДЕО)
