Наташа Беквалац ја донесе малечката Катја во Центарот за социјална работа за да може Лука Лазукиќ да ја види својата ќерка. Лазукиќ стигна 10 минути пред Наташа на мотор за да ги пречека.

Таткото на нивната ќерка има право да ја гледа секоја среда на половина час.

Наташа со ќерката и со дадилката дојде до Центарот каде Лука ги чекаше. Пејачката по неколку моменти излезе сама, а Катја и дадилката останаа во центарот. Беквалац отиде до автомобилот, каде почека да поминат тие половина час, колку што судот одреди дека таткото може да биде со детето, а потоа влезе во Центарот по Катја и цврсто ја гушна.

Лука Лазукиќ без зборови седна на моторот и замина. Ова е втор пат што Лука по три месеци ја виде ќерката Катја.

„Судот одлучи Лука да го гледа детето еднаш неделно на половина час. Тоа не е конечна привремена мерка, таа може да се промени, откако повторно ќе се воспостави однос меѓу детето и таткото. Ваквата мерка е во склад со законот имајќи во предвид дека во тек е кривична постапка и возраста на малолетното дете. И гледањето моментално е во Центарот за социјална работа“, рече адвокатката на Лука.

Првиот пат детето го донесе дадилката, а сега бебето Катја го донесе Наташа.