Мирјана Антоновиќ потврди дека судот во Белград пресудил дека пејачот Мирослав Илиќ е биолошки татко на Девин Антоновиќ.

Мирјана неодамна беше во Белград на последното рочиште и најави крај на судењето, а сега извести за деталите од пресудата:

-Драги мои трпеливи пријатели, денес е ден за славење. Донесена е судска одлука дека Мирослав Илиќ и Девин Антоновиќ СЕ ТАТКО И СИН. Денеска од среќа плачевме на сите континенти и сме презадоволни. Им благодариме на нашите сведоци, на нашиот извршен адвокат Вилијам Паспаловски, на судијата кој донесе правична одлука, на медиумите кои следеа сè, честопати се смрзнуваа со часови и на сите вас кои со години не поддржувавте да истраеме под огромен притисок. Ова не е само наша победа, туку победа на сите мајки и деца на Србија. На кој не му се допаѓа оваа одлука нека тужи, а ние имаме многу работа. Ќе продолжиме се додека не се смени овој застарен закон за ДНК, кој е насочен против развојот на српските семејства и српското општество. Отсекогаш сум сакала и верував дека во Србија сè уште може да се најде правда и многу ми е драго што не бев разочарана. Ти благодарам многу и твојата Мирјана неизмерно те сака – напиша Антоновиќ.

Мирослав не беше многу интересиран да ја коментира оваа тема, па накратко рече:

– Сè уште не сум го видел. Во моментов немам коментар и не сакам да зборувам за тоа. Повеќе детали ќе дознаете за неколку дена, а дотогаш не сакам да го коментирам тоа, изјави Илиќ.