Македонската пејачка и учесничка во регионалното музичко шоу „Ѕвездите на Гранд“, Елена Миленковска и нејзиниот сопруг Гуте Маринковиќ пред повеќе од еден месец станаа родители.
Пејачката е активна на социјалните мрежи и често споделува фотографии од нејзиното семејство, но сега за првпат после 40 дена од раѓањето на нејзиниот син Максим, одлучи да објави и фотографија на која се гледа и лицето на бебето.
„Веќе помина 40 дена…. Секогаш се прашував како времето лета кога луѓето се среќни, радосни, полни со љубов. Те чекав цел мој живот, фантазирав за твоите очи и најубавата насмевка на светот. Кога првпат ми се насмеа застана целиот свет. Чудесна насмевка, така ја нареков. Насмевка која ја лекува мојата душа, моето тело и срце. Насмевка која ми дава сила. Насмевка која ме мотивира. Ти благодарам што не одбра нас да ти бидеме родители“, напиша Еелена во опис на фотографијата на која позира со синчето.