Дека жената на жена не е волк често докажува и Милица Павловиќ, која често ги користи своите јавни настапи и интервјуа за да нагласи колку се одлични жените, да го поддржи понежниот пол на сите полиња, да застане на страната на помалку заштитените и загрозените.

Како некој кој е емотивно осамен, кога е партнерот во прашање, Милица овој ден на жената ќе го помине со жени, а тоа се омилените – бабата и тетката кои се најзаслужни за се што е оваа млада ѕвезда денес.

Милица по повод денешниот празник на жената истакнува дека се надева дека на овој ден ќе се појави принц на бел коњ.

– Јас сум вечен оптимист, можеби до крајот на денот ќе се појави познат принц на бел коњ, ќе ме полуди со некој гест и утре ќе ви признаам дека го најдов човекот на мојот живот. Хахах, шега на страна, не сум некоја што обрнува многу внимание кога се во прашање гестовите за 8 март. Мислам дека со нивната општа улога на планетава, жените заслужуваат секој ден да бидат третирани од мажите како да е празник. Од тие причини планирам денот да го поминам со баба ми и тетка ми, бидејќи тие ми го посветија животот и ги вложија сите свои емоции и добри намери.

На прашањето како ја доживува положбата на жената во Србија, таа одговори:

– Искрено, иако жените кај нас имаат идентични права како и мажите, морам да признаам дека сепак може да се забележи дека сме во полоша позиција во споредба со нив. И во јавната и приватната сфера. Изложени сме на дискриминација и некако сè уште постои овој вкоренет став дека мажите се посилни, попаметни, поспособни на многу полиња од нас жените. И тоа апсолутно не е точно.

– Не можам да кажам дека не забележувам одредени промени кога е во прашање третирањето на жените, но мислам дека имаме уште долг пат да одиме за да докажеме дека родовата дискриминација е целосно неоснована и дека жените можат да бидат исто толку успешни како и мажите во сите сфери на животот.