Актерката и модел Памела Андерсон најави дека е објавен првиот трејлер за „Памела, љубовна приказна“, кој треба да се појави на 31 јануари
„Можеби сите интервјуа ги давам гола. Нема никаква мистерија“ – вели таа.
Сосема природна, без шминка, таа си ја разголе душата.
Главно, таа тврди дека причината поради која конечно зборува за вистината за контроверзната секс снимка е затоа што и е доста од другите да ја раскажуваат нејзината приказна, индиректно коментирајќи ја биографската серија на Hulu „Пем и Томи“, која ја раскажуваше приказната за нејзината позната секс снимка со нејзиниот прв сопруг, Томи Ли, кој потоа бил украден и дистрибуиран.
-Ја блокирав таа украдена лента од мојот живот за да преживеам. Сега кога сето тоа се појавува повторно, не ми е добро. Сакам да ја преземам контролата врз приказната за прв пат, вели Андерсон.
Додека „Lovefool“ е во позадина, на екранот се мешаат клипови од нејзината лична видео архива, која исто така ќе го документира нејзиниот подем до слава како ѕвезда на насловната страница на „Плејбој“.
Таа ќе се фокусира и на воспитувањето на нејзините два сина со Ли, како и на нејзините различни врски. Ќе вклучува и лични дневници што таа ги водела низ годините.
-Морав да направам кариера од она што ми остана. Јас не сум девојка во неволја. Знаев дека можам да се најдам во луди ситуации – и ги преживеав , вели во објавата.
Легендарната русокоса ја завршува најавата за претстојниот филм со прашањето „Дали сите ние можеме да бидеме херој на сопствената животна приказна?“.
