Популарниот хрватски пејач, Оливер Драгојевиќ нема да може ниту да си ја земе наградата за животно дело „Порин”.
Поради тешката болест, Оливер е толку исцрпен што нема да може да застане на нозе и да си ја земе наградата.
– Би било убаво да сум таму, знам дека и луѓето тоа го сакаат, но мислам дека би ми дошло премногу во оваа фаза на опоравување. Слаб сум на нозете. Сето тоа е нормално во оваа фаза, терапиите ме ослабеа, рече Оливер, кој се одмора во својот дом во Сплит.
Кога дозна дека ќе му биде доделена наградата, Драгојевиќ изрази подготвеност да ја земе лично, но сега увиде дека сепак нема да успее.