Парис Хилтон денеска ги изненади своите следбеници со објава на Инстаграм во која се пофали дека станала мајка.
– Веќе си толку сакан што е невозможно да се опише, напишала во описот на фотографијата на која го држи бебето за рака.
Хилтон ја потврди веста за новороденчето за магазинот Пипл и го откри полот на бебето. Таа нагласи дека отсекогаш сакала да стане мајка.
– Отсекогаш ми бил сон да станам мајка. Среќна сум што јас и Картер се најдовме. Возбудени сме што ќе основаме семејство заедно. Срцата ќе ни пукнат од љубов кон нашето малечко момче, рече таа.
Сопружниците добија дете преку сурогат мајка. Ова е прво дете на Хилтон, додека нејзиниот сопруг Картер Реум има ќерка (10) со ријалити ѕвездата Лора Белизи.
