Само што се падна прашината околу тоа зошто во граматичка работна тетратка за петто оделение се најде дел од песната на Цеца, „Лепи громе мој“, се дозна дека уште една нејзина песна, овој пат „Кукавица„“, е дел од четивата на учениците во Србија.
Имено овој хит на Цеца во целост се најде во Збирката од книжевност за прва година гимназија, од издавачката куќа Клет, а според тврдењата на Министерството за образование и оваа, како и претходната ќе биде исфрлена од учебниците.
За разлика од песната „Лепи громе мој“, каде требало да се одреди вокатив во стихот, „Кукавица“ е пример за нешто друго.
Од учениците барале да препознаат пораки, идеи и општочовечки вредности и универзално значење на текстот.
