Напаѓачот на Манчестер сити, Серхио Агуеро зборуваше за тоа како напаѓачот на Барселона, Лионел Меси доживува неуспеси во дресот на Аргентина.

– Многу сме тажни што загубивме во националниот тим. Ние страдаме и поминуваме низ тешко време по поразите. Можам да играм на Светското првенство во 2022 година без болка, и покрај тоа што имам проблеми со коленото. Но, сега сите наши мисли се концентрирани само на Купот на Америка. Јас и Меси работиме заедно од 2005 година. Не ги разбирам оние што го критикуваат за играње во репрезентацијата. Тој е првиот кој страда од неуспеси, но продолжува да доаѓа во националниот тим. Меси е многу брз и не им дава време на противниците да реагираат. Невозможно е да се анализира, изјави Агуеро.

Меси во својата богата фудбалска кариера има голем број трофеи со Барселона, но му недостасува трофеј од големо натпреварување со сениорската репрезентација. Многумина велат дека без освоен Мундијал со Аргентина, Меси не може да биде најдобар фудбалер во историјата на овој спорт.