Ајакс од Амстердам го донесе од Тотенхем холандскиот крилен напаѓач Стивен Бергвијн за сума од 31.25 милиони евра, соопштија денеска двата клуба.
Бергвијн, кој е роден во Амстердам, потпиша петгодишен договор за враќање во холандскиот клуб во кој претходно ја мина неговата академија пред да му се приклучи на ПСВ Ајндховен во 2011 година.
– Тој е играч со многу квалитети. Среќен сум што успеавме да потпишеме со него. Тој додава нов квалитет во нашата екипа, изјави тренерот на Ајакс, Алфред Шројдер.
Бергвијн го носеше дресот на Тотенхем од 2020 година, но изминатата сезона не успеа да избори место во првиот тим, одигрувајќи само во два наврати полни 90 минути во Премиер лигата.
