Езџан Алиоски е слободен агент и веќе разгледува понуди каде ќе ја продолжи играчката кариера.
Македонскиот репрезентативец не ја отпишува можноста да остане во Лидс Јунајтед, но доколку ги добие посакуваните услови. За него има голем интерес од Турција, каде три големи екипи го посакуваат во своите редови.
Левиот бек е мета на Галатасарај, Фенербахче и Трабзонспор. Сите имаат своја стратегија во преговорите со агентот на 29-годишникот, кој бара два основни услови од новиот клуб.
Првично размислува за плата од два милиони евра по сезона, а второ за должината на соработката, која се надева дека ќе биде четири години.
Алиоски е проценет на 5,5 милиони евра, но ова лето ќе може да заигра во нова средина без никакво обештетување.
