Фенербахче со 4-1 ја победи Австрија Виена и го завери пласманот во групната фаза од Лига Европа, убедлив беше и тимот на АЕК Ларнака кој славеше со 3-0 над Днипро.
Алиоски го одигра целиот натпревар за Фенербахче кој и по вторпат ја совлада екипата на Австрија Виена.
Турскиот тим овојпат победи со 4-1 и со вкупни 6-1 оди во групната фаза од Лига Европа.
Таму ќе биде и Тричковски со АЕК Ларнака, тие денеска со 3-0 славеа над Днипро и со вкупни 5-1 се пласираа понатаму.
Тричковски поради вирус не беше дел од денешниот натпревар.
Место во групната фаза од Лига Европа избори и Ракип со Малме. Тие победија со 2-0 на гостувањето кај Сиваспор, а македонскиот репрезентативец беше асистент на првиот гол.
