До неодамна соиграчите во составот на Франција Карим Бензема и Н’Голо Канте повторно ќе играат заедно во истиот тим и поточно во Саудискиот Ал-Итихад. Како што е познато, вчера гигантот од Блискиот Исток го објави потписот со поранешниот капитен на Реал Мадрид, а во доцните часови стана јасно дека клубот се договорил и за играчот од средниот ред на Челзи, кој ќе пристигне како слободен агент по истекот на договорот со лондончани.
Ова го пренесуваат водечките експерти за трансфери во Европа. Канте ќе потпише двегодишен договор со Ал-Итихад со заработка од 100 милиони евра по сезона. Очекувањата се дека 32-годишниот играч ќе биде претставен во следните 48 часа.
🚨✅ N'golo #Kante to #AlIttihad 🇸🇦 is a DONE DEAL. 🐓⚽ https://t.co/X7EoA5XiLz pic.twitter.com/8KdQwyeWR2
— Rudy Galetti (@RudyGaletti) June 6, 2023
Големиот играч за врска помина седум години во Челзи, забележа 269 настапи, постигна 13 гола и со 16 асистенции. Покрај тоа, Канте со „сините“ ги освои речиси сите можни трофеи – оние од Лигата на шампионите, Премиер лигата, Лига Европа, ФА Купот, Суперкупот на Европа и Светското клупско првенство. Има и една титула во Англија со Лестер, а со Франција е светски првак на СП 2018 и победник на Лигата на нации 2021 година.
