Новото засилување на Интер, Хакан Чалханоглу ја коментираше одлуката да го напушти Милан и да се пресели во градскиот ривал.

27-годишниот турски репрезентативец не го продолжи договорот со Милан и како слободен агент се пресели во Интер.

„Трансферот од Милан во Интер? Фановите креваат прашина и тоа е нормално. Нема ништо чудно, не сум ни прв ни последен кој се преселил од Милан во Интер и обратно. Тоа го направиле многу фудбалери“, изјави Чалханоглу.

„Гледам напред, но имам голем респект кон Милан. Во овие 4 години клубот ми даде многу и јас дадов многу за клубот. Сега ми претстои нов предизвик. Стефано Пиоли е единствениот човек кој безусловно сакаше да останам во Милан. Разговаравме и ја прифати мојата одлука“, додаде плејмејкерот.