Тренерот на Барселона, Чави Ернандез се обиде да ја подигне атмосферата во соблекувалната во пресрет на клучниот натпревар во Лигата на шампионите против Баерн, организирајќи заедничка вечера за фудбалерите.

Чави и фудбалерите се собраа во ресторан во центарот на Барселона, но вечерата им ја расипаа медиумите кои одбија информација дека голем број ѕвезди на каталонскиот тим се собираат на едно место.

Barca players and Xavi meeting tonight for dinner. Xavi just arrived.

🎥 Via @JosepSoldado
pic.twitter.com/aCTlOqCj1x

— BarçaTalk FC (@BarcaFootba11) December 1, 2021

Во ресторанот пристигнаа сите фудбалери на првиот тим, како и комплетниот стручен штаб, по шо Чави им го претстави планот за пласман во нокаут-фазата во ЛШ. Пресметките се јасни, на Барселона и е потребна победа во Минхен за сигурен пласман во осминафиналето, но можат да поминат понатаму и во случај на пораз или реми, доколку Динамо Киев и Бенфика одиграат по „нивна мерка“.

Фудбалерите почнаа да пристигнуваат околу 20 часот, а вечерата траела до 23 часот. Прв пристигнал Педри, а весникот „“Мундо Депортиво“ пишува дека младиот фудбалер ја платил сметката, за да ги почести соиграчуте за добиената награда за најдобар млад фудбалер сна светот. Втората причина е новиот договор кој неодамна Педри го потпиша.

Но, „Мундо Депортиво“ пишува дека Осман Дембеле повторно правел проблем бидејќи се појавил еден час подоцна од останатите, со што ги налути соиграчите и тренерите.

фото: EPA-EFE/Alejandro Garcia