Македонскиот фудбалски репрезентативец Дарко Чурлинов оваа сезона ќе има нов предизвик, затоа што ќе ги брани боите на друг клуб.
Како што тврдат германските медиуми, младиот напаѓач на Штутгарт ќе замине на едногодишна позајмица во култниот Шалке 04, клуб кој минатата сезона се соочи со сериозни проблеми и испадна од Бундеслигата.
Сепак, проблемите во клубот од Гелзенкирхен се надминати и амбициите на тимот се експресно враќање во елитата. 21-годишниот голгетер не ја доби вистинската шанса за докажување во Штутгарт, па затоа го прифати овој предизвик. Медицинските прегледи се закажани за денес, по што ќе следува потпис на едногодишна позајмица, а Шалке нема да има право на целосен откуп следното лето.
Darko Churlinov steht vor einem Wechsel vom VfB Stuttgart zu Schalke 04! 🔵
Der 21-jährige Flügelspieler wird für ein Jahr zu den Königsblauen ausgeliehen.
Heute wird er den Medizincheck absolvieren und dann seinen Vertrag bei #S04 unterschreiben ✍🏻✅#TransferUpdate
— Max Bielefeld (@Sky_MaxB) August 18, 2021
Чурлинов од 2020 година е дел од Штутгарт, а претходно ги бранеше боите на Келн. Тој беше дел од сениорската репрезентација на Македонија на последното Европско првенство.