Давид Де Хеа и Манчестер Јунајтед се договорија за нов договор. Шпанскиот чувар на мрежата сѐ уште го нема потпишано, но тоа се очекува да се случи во наредните денови. Де Хеа ќе потпише нов четиригодишен договор, но неговата плата ќе биде намалена од 350.000 фунти на околу 200.000 фунти.
Сепак, Манчестер Јунајтед продолжува многу сериозно да гледа на трансфер пазарот за нов голман, а идејата на Ерик тен Хаг е да земе нов играч на оваа позиција, кој всушност е способен да му биде сериозна конкуренција на Шпанецот.
Се очекува во наредните денови „црвените ѓаволи“ да се разделат со уште еден свој голман, Дин Хендерсон, кој оваа сезона беше на позајмица во Нотингем Форест. Тие сакаат да го откупат и се подготвени да платат за неговите услуги околу 25 милиони фунти.
