Напаѓачот на Барселона, Усман Дембеле ќе отсуства од фудбалските терени најмалку пет недели, објавија Каталонците на официјалната веб-страница на клубот.
На Французинот му беше дијагностицирано оштетување на бутниот мускул.
Ова треба да стави крај на гласините дека Дембеле би можел да се пресели во Пари Сен-Жермен како дел од договор за трансфер на Нејмар во обратен правец.
Договорот на Дембеле со Барселона важи до 2022 година. Минатата сезона, тој исто така имаше здравствени проблеми и не играше редовно.
