Легандарниот италијанси ас, Паоло Ди Канио имаше што да каже и порача за скандалот со обложување во Италија во кој се вклучени познати фудбалери за кои веќе почнаа да се изрекуваат санкции.

Николо Фаџоли од Јувентус веќе доби седум месечна казна, а членот на Њукасл, Сандро Тонали е во исчекување на истата со тоа што се очекува таа да биде потешка и играчот за врска подолго време да биде отсутен од терените.

-Кога се преселив во Јувентус, дојдов од тешко соседство од Рим. Не се плашев да се соочам со директор на клубот. Еден ден, на тренинг, Морини ми рече: „Претседателот Бониперти сака да разговара со тебе денес.“ Бев преплашен, навистина. Ме натераа да чекам три часа. Ги прашав сите зошто сака да разговара со мене. Никој не знаеше. Кога влегов во собата, Бониперти праша: „Каде беше синоќа?“ Јас одговорив: „Бев излезен на вечера.“ Тој повторно праша: „Кога си дојде дома?“ и јас одговорив: „22.30 часот.“ Беше 10.30 и рече дека е доцна. Бев многу млад па мислам дека тоа беше превентивна мерка. Навистина, бев преплашен. Мислев дека ќе ме „замрзнат од тимот“. Се прашував: „Што направив?“ Сега времињата се сменија. Не сакам да ги напаѓам директорите на клубовите, тие имаат централни улоги, имаат многу одвлекување на вниманието и имаат многу повеќе односи отколку во минатото. Но некои работи не можат да се оправдаат, -порача Паоло за „Скај Спорт Италија“.