Нант на големо го прослави пласманот во првото финале по пауза од две децении, но огромно внимание на социјалните мрежи предизвика и второто полуфинале во францускиот Куп.
Ница го победи Версај со 2:0 и заслужено си обезбеди пласман на завршниот меч во Купот, натпреварување од кое ни пристигна и најлудата индивидуална акција видена оваа година во францускиот фудбал.
Амин Гуири од редовите на Ница постигна гол за 1:0, но сепак во фокусот се најде она што го направи при вториот гол кој го постигна Долберг.
Гуири покажа вонсериски технички квалитети и снаодливост на мал простор, бидејќи „измести“ тројца противнички дефанзивци пред да додаде до осамениот Долберг кој ги постави конечните 2:0.
Младиот 22-годишен Амин е една од фудаблските сензации во Франција оваа сезона, бидејќи на 30 натпревари дури 20 пати бил клучен на натпреварите на Ница со 12 постигнати гола и 8 асистенции за гол.
ICYMI: Unreal piece of skill by nice striker Amine Gouiri 🔥
Utter violation 😬pic.twitter.com/WTbreMZV6t
— Oddschanger (@Oddschanger) March 3, 2022
