Ерик тен Хаг ќе биде нов менаџер на Манчестер Јунајтед. Англискиот премиерлигаш и Ајакс наскоро ќе ја официјализираат зделката, а клубот од „Олд Трафорд“ ќе плати отштета од 2 милиони евра за Холанѓанецот.
Тен Хаг сака негов помошник и понатаму да биде Мичел ван дер Гаг, кој од минатата година е помошник тренер во Ајакс. Тие во пакет ќе се преселат во Манчестер Јунајтед, а најверојатно дека ќе има работна позиција и за Робин ван Перси.
Холандсккот стратег ќе добие целосна слобода од Манчестер Јунајтед во одлуките на трансфер пазарот, за што се бореше и Жозе Мурињо, но таа моќ никогаш не ја стекна. Ќе потпише тригодишен договор со клубот.
