Светската фудбалска федерација ФИФА го објави списокот со кандидатите за наградата „Најдобар играч“ за 2018 година.
За ова престижно признание конкурираат десет играчи, а при изборот се смета периодот од 3 јули 2017 до 15 јули 2018 година.
Меѓу кандидатите за играч на годината се најдоа: Кристијано Роналдо (Португалија/Реал Мадрид), Кевин де Брујне (Белгија/Манчестер Сити), Антоан Гризман (Франција/Атлетико Мадрид), Еден Азар (Белгија/Челзи), Хари Кејн (Англија/Тотенхем), Килијан Мбапе (Франција/ПСЖ), Лионел Меси (Аргентина/Барселона), Лука Модриќ (Хрватска/Реал Мадрид), Мохамед Салах (Египет/Ливерпул) и Рафаел Варан (Франција/Реал Мадрид).
