Италијанскиот фудбалски прволигаш Фиорентина го назначи денеска Винченцо Италијано за нов шеф на стручниот штаб, потпишувајќи договор за двегодишна соработка со опција неговиот престој во клубот да биде продолжен за уште една година.
Досегашниот тренер на екипата на Специја седнува на клупата на Фиорентина на местото на Џенаро Гатузо, кој на почетокот на овој месец неочекувано замина по нецели три недели откако беше назначен за тренер на клубот од Фиренца.
Фиорентина заврши на 13. место минатата сезона во Серија А.
