Фулам оваа сезона се бори за пласман во Премиерлигата, a голема заслуга за успехот на клубот од Лондон има и тренерот Славиша Јокановиќ.
Поради тоа управата на Фулам одлучи да му понуди нов договор на Јокановиќ со кој би заработувал значително повеќе.
Иако од клубот ја земаат предвид и можноста да не се пласираат во повисок ранг, сепак, било решено да го задржат српскиот стручњак.
Според дел од британските медиуми, Фулам на овој начин сака да се обезбеди, бидејќи премиерлигашки клубови, меѓу кои и Челзи, се заинтересирани за Јокановиќ.
Актуелниот договор на Јокановиќ истекува во 2019 година.
(Миа)
