Пет лица загинаа, а седум се повредени во хаос кој настанал по фудбалски натпревар во африканската Лига на шампиони во главниот град на Ангола.
Инцидентот се случил по натпреварот меѓу Примеиро де Агосто од Ангола и ТП Мазембиез од Конго. Според наводите, инцидентот се случил кога навивачите наишле на затворени врати на стадионот.
Откако полицијата ги отворила вратите, настанало стампедо во кое луѓе паѓале под полициските коњи. Министерот за спорт од Ангола изразил жалење поради смртните случаи, а повредените по лекарските интервенции се пуштени на домашно лекување.
