Селекторот на германската фудбалска репрезентација Јоаким Лев е хоспитализиран поради нарушувања на циркулацијата, информира „Билд“.
Проблемот настанал како резултат на повреда за време на тренинг. Лев се наоѓа во Универзитетската болница во Фрајбург.
Голема е веројатноста 59-годишниот германски фудбалски стручњак да ги пропушти јунските натпревари од квалификациите за ЕП 2020.
Германија на 8 јуни и гостува на Белорусија, три дена подоцна (11 јуни) ја пречекува селекцијата на Естонија. (МИА)
