Сред еуфоријата која владее по повод освојувањето на второто место на Светското првенство во фудбал, во Хрватска како бомба одекна веста дека селекторот Златко Далиќ би можел да ја напушти клупата на „Ватрените“.

Актуелниот селектор на Хрватска има годишна плата од пола милион евра, со што беше меѓу најмалку платените селектори на Мундијалот во Русија, поточно беше на 23-то место од 32 селектори.

Далиќ има договор со фудбалската федерација на Хрватска уште две години, но доколку ја прифати понудата на клубот од Азија ќе стане најплатен тренер од овој дел на Европа. Понудата која пристигнала од Азија била 5 милиони долари по сезона, со договор на три години

Неофицијално, фудбалската федерација на Хрватска и претседателот Давор Шукер се спремни да му понудат на Далиќ двојно поголем договор, односно еден милион годишно.