Како што тврди „Дејли Експрес“ Ливерпул има план да го ангажира Килијан Мбапе следното лето кога Французинот ќе биде слободен агент.
Мбапе, играчот на ПСЖ досега се поврзуваше и со трансфер во редовите на шпанскиот гигант Реал Мадрид.
И натаму нема никакви најави за продолжување на соработката со париските „светци“, важечкиот договор му трае до 30 јуни 2022 година. Моментно според „Трансфермаркт“ вреди 160 милиони евра и станува збор за моментно еден од најдобрите напаѓачи на светот.
22-годишниот фудбалер постигна гол во победата над Стразбур (4:2) во саботата во првиот меч од новата сезона во „Лига 1“.
Исто така денеска „Дејли Телеграф“ информира дека напаѓачот на Ливерпул, Дивок Орижи се наоѓа на „радарот“ на Вулверхемптон, Кристал Палас и Вест Хем на две недели пред крајот на преодниот рок.