Фудбалерот на Лацио, Чиро Имобиле, ги сподели своите впечатоци од работењето со тренерот Симоне Инзаги. Тој Инзаги го спореди со Унаи Емери и Јирген Клоп кои му беа тренери во Севиља и Борусија Дортмунд.

– Работата во Шпанија и Италија е прилично слична. Емери става голем акцент на тактиката. Начинот на кој тој се подготвува за натпревари ме потсетува малку на Конте. Клоп беше сосема поинаков. Целиот тренинг се одвиваше со топката, играчите беа во постојано движење и не застанаа ниту една секунда. Тој ми даде многу како тренер. Стилот на Инзаги, се разбира, е повеќе италијански, но во исто време ги комбинира квалитетите на другите двајца. Работиме многу со топката и правиме тактики колку што е потребно, без претерување, истакна Имобиле.

Лацио по 26 кола во Серија А е на второто место со 62 бода, само еден помалку од лидерот Јувентус.