Македонскиот фудбалски репрезентативец Иван Тричковски со два гола и донесе победа на АЕК Ларнака на денешното гостување кај Анортозис во првата фудбалска лига на Кипар.
Популарниот Тричко двапати беше прецизен во второто полувреме, прво во 66 минута најдобро се снајде во шестнаесетникот на домаќините за да потоа во 79 минута биде сигурен од белата точка за потврда на трите бода за АЕК. Нашиот репрезентативец има 16 погодоци зад своето име во оваа сезона, а пак неговиот тим со 50 бода е петта на табелата.
