Фудбалската репрезентација на Македонија ќе има целосна поддршка на натпреварот против Исланд во рамки на квалификациите за Светското првенство (СП) затоа што целосниот капацитет на Арената „Тодор Проески“ е распродаден.

ФФМ прво во употреба ги пушти Северната и Јужната трибина, а по победата над Ерменија во Ереван (0-5) и ремито на Романија и Исланд кое ја стави Македонија во пол-позиција за бараж за првпат во историјата, влезници за овие трибини снема.

Поради големиот интерес, во продажба излегоа и влезници за Источната и Западната трибина, а неполни 24 часа по отворањето и на овие трибини, влезници веќе нема.

Секако, овој натпревар ќе се игра пред посетеност според протоколите, односно за заштита за ширење од коронавирусот. Натпреварот меѓу Македонија и Исланд се игра в недела од 18:00 часот, а доколку нашиот нациоанлен тим победи, ќе заврши на втората позиција на табелата.