Аргентинскиот фудбалер Лионел Меси во интервју за кинеските медиуми изјави дека „не мисли“ дека ќе игра на следното Светско првенство кое во 2026 година ќе се одржи во САД, Мексико и Канада.
„Веќе неколку пати го кажав тоа, мислам дека не. Тоа беше моето последно Светско првенство во Катар лани. Ќе видам како ќе се одвиваат работите, но во принцип не мислам дека ќе одам на следното Светско првенство“, изјави 35-годишниот напаѓач, кој со Аргентина го освои златото на последниот Мундијал.