Дефанзивецот на Ливерпул и хрватскиот репрезентативец, Дејан Ловрен вчера загуби на трето по ред финале во рок од две години.
Столбот на одбраната на „ватрените“ во 2016 година играше во финалето на Лигата на Европа со Ливерпул, каде што загуби од Севиља. Пред еден месец Ловрен и Ливерпул претрпеа пораз од Реал Мадрид во натпреварот за титулата на Лигата на шампионите, а синоќа репрезентацијата на Хрватска загуби од Франција со 4:2 во битката за светската титула.
