Екипата на Манчестер Јунајтед во следниот период ќе биде без помошта на двајца напаѓачи, кои се повредени.
Лукаку се повреди на вчерашниот дуел против Саутемптон на самиот почеток на натпреварот, а менаџерот Жозе Мурињо веднаш го повлече од игра. Лукаку доби повреда на главата по еден воздушен дуел со противнички играч.
– Не размислувавме многу, веднаш го извадив од игра и нема да игра на следните два натпревара со Евертон во понеделник и против Дерби во ФА купот, изјави Мурињо.
Повреда на коленото има и Златан Ибрахимовиќ и според зборовите на менаџерот на „црвените ѓаволи“ тој ќе паузира околу еден месец. (МИА)