Управата на Манчестер Јунајтед доколку не го продолжи договорот со неколку играчи до првиот ден од 2023 година, фудбалерите ќе можат да започнат преговори со други клубови.

Тоа се голманот Давид де Хеа, дефанзивците Лук Шо и Диого Далот, централниот играч за врска Фред и напаѓачите Маркус Рашфорд и Кристијано Роналдо.

Де Хеа е стандарден на голот на Јунајтед од почетокот на сезоната. Шпанецот имаше неколку грешки, во тимот во меѓувреме пристигна Мартин Дубравка, а позајмениот Дин Хендерсон се надева дека по епизодата во Нотингем Форест ќе стане новата „единица“ на „Олд Трафорд“.

Кога Диого Далот му се приклучи на Јунајтед од Порто во 2018 година, тогаш менаџерот Жозе Мурињо го наведе како десен бек во следната деценија, но не одеше сè според планот за Португалецот во Јунајтед, тој дури помина една сезона на позајмица во Милан, но е сега  е стандарден кај Тен Хаг и се очекува нов договор за него.

Спротивно на ситуацијата е со левиот бек Лук Шо, кој во минатото беше незаменлив по левото крило, но со доаѓањето на Јаник Маласија беше преместен на клупата. Неговата продажба оваа зима не би била изненадувачка. Слична е ситуацијата и со Бразилецот Фред.

Што се однесува до Рашфорд, англискиот напаѓач е стандарден во Тен Хаг. Се очекува Јунајтед да му понуди нов договор, особено со оглед на силниот интерес од Пари Сен Жермен.

Познат е статусот на Кристијано Роналдо во новиот Јунајтед. Легендарниот напаѓач стана резерва, што воопшто не му се допаѓа.

Речиси е незамисливо да му биде понуден нов договор, а желбата на Кристијан да го напушти „Олд Трафорд“ одамна е неспорна.