Селекторот на италијанската фудбалска репрезентација, Роберто Манчини, го објави поширокиот список на фудбалери на кои ќе смета за бараж-натпреварот против Македонија за Светското првенство во Катар.
Марио Балотели, по повеќе од три години повторно е во селекцијата на „аѕурите“, а има и неколку дебитанти, голманот Марко Карнесеки, дефанзивците Луис Фелипе и Џорџо Скалвини, Николо Фаџоли и Давиде Фратеси од средниот ред, како и напаѓачите Самуеле Ричи и Жоао Педро.
Првиот собир на Италија е закажан на 26 јануари, а бараж – натпреварот со Македонија е закажан за 24. март во Палермо.
