Еден од најпопуларните спортски медиуми во Шпанија, весникот Марка, денеска објави неочекувана информација и тоа дека управата на Барселона ќе стори сѐ зимава да ја ангажира поранешната ѕвезда на Реал Мадрид, Алваро Мората, кој сега настапува за Јувентус.
Ова е барање на тренерот Чави Ернандез од управата, за кое да се оствари мора да се вклучи и Атлетико Мадрид, клуб со кој фудбалерот има договор. Шпанскиот напаѓач лани се пресели во Торино на двегодишна позајмица, за која италијанскиот клуб плати 20 милиони евра.
„Јувентус е во економска и спортска криза, поради што нема да биде изненадување ако би сакал да се ослободи од Мората. Особено, што како нови напаѓачи на ‘бјанконерите’ се споменуваат играчи како Мауро Икарди и Аркадиуш Милик“, пишува Марка.
Задоволен од ваквиот трансфер би бил и Атлетико Мадрид, кој би добил пари кои би ги искористил да го доплати трансферот на Антоан Гризман токму од Барса. Мората сезонава постигна седум голови на 23 средби, а претходно има играно за екипи како Реал Мадрид и Челси, кој за него во 2017 година плати дури 66 милиони евра.
Xavi has asked for the signing of Alvaro Morata during January. The player is not happy in Turin, and he has already spoken to the manager. It would not be a 6 month loan, either.
— @fansjavimiguel pic.twitter.com/Q3AQQig0nU
— Barça Universal (@BarcaUniversal) December 30, 2021
