Фудбалерот на Барселона, Лионел Меси е голема фудбалска лага, вели некогашниот голман на Реал Мадрид, Франциско Бујо.

Меси, кој пет пати ја освои наградата за најдобар играч на светот, оваа сезона со Барселона дојде до титулата во ЛаЛига и Купот на Кралот.

Бујо смета дека тоа не некое постигнување, бидејќи вистинските шампиони освојуваат големи натпреварувања како Лигата на шампионите, Светското првенство или Копа Америка.

-Меси е тука да ја освои лигата или Купот на Кралот, така? Големите играчи освојуваат Лига на шампиони, Светско првенвество или Копа Америка, вели Бујо кој освои шест титули во домашниот шампионат со Реал Мадрид.

-Меси е голема лага. Барселона има сјајни играчи околу него и тој не етолку важен како што мислите, рече Бујо за шпанските медиуми.

Меси оваа сезона постигна 45 голови и ќе се обиде ова лето да и помогне на Аргентина да дојде до титула на Мундијалот во Русија.