Лионел Меси со два нови гола учествуваше во високата победа на ПСЖ на дуелот со Макаби Хаифа.
Ѕвездата на францускиот гигант ја зголеми бројката на голови во Лигата на шампионите. Неговата трка со Кристијано Роналдо станува уште поинтересна, со оглед на тоа што сега тој има само единаесет погодоци помалку од водечкиот стрелец во историјата на натпреварувањето.
Португалецот, кој во 140 наврати се радувал на гол во Лигата на шампионите, не игра во групната фаза оваа сезона. Манчестер Јунајтед не успеа да се пласира во елитното натпреварување и му ја скрати можноста да го надополни рекордот.
Роберт Левандовски има можност да ја достигне границата од сто гола (91), а зад него следува Карим Бензема (86).
