Лионел Меси останува во Пари Сен Жермен. Оваа вест вечерва ја потврдуваат сигурни извори во Франција, блиски до ПСЖ, а Меси ќе потпише за минимум една година, многу веројатно за две.
Наводно Меси ќе потпише нов договор 1+1 сезона, идентично како и кога пристигна од Барселона. Сепак, тоа е сосема доволно за парижаните. Светскиот шампион и најдобриот играч во историјата останува на „Паркот на принцовите“.
Меси многу сака уште еднаш да ја освои Лигата на шампионите по Светското првенство и смета дека има многу поголеми шанси тоа да го оствари како член на Пари Сен Жермен.
