Аргентина беше шокирана од веста за повредата на најдобриот играч. Од Франција доаѓа вест дека Меси се жали на болки во Ахиловата тетива.
Од Париз тврдат дека повредата не е од сериозен карактер и дека нема причина за загриженост, а во деновите кога сме сведоци на се поголем број повредени ѕвезди, дури постојат теории дека отсуствата се планирани поради подолг одмор пред почетокот на подготовките за Катар.
Никој не вели дека тоа е случај со Меси, напротив. Аргентина со нетрпение чека да слушне каква е ситуацијата со најдобриот фудбалер од оваа земја.
Уште претходно Меси потенцираше дека Мундијалот во Катар ќе му биде последно натпреварување во дресот на Аргентина.
