Вечерва Украинците беа домаќини на Французите и успеаја да одиграат 1:1 со големиот фаворит на хартија.

Домашниот тим поведе со голот на Шапаренко во финишот на првото полувреме, но Марсијал погоди за конечни 1:1 на почетокот на второто полувреме.

Французите се на врвот со девет бода, Финска и Украина имаат по пет, а БиХ има два бода, но по само три одиграни натпревари. Франција и Украина одиграа по пет натпревари.

Хрватска стигна до многу важна победа во Словачка со голот на Брозовиќ во 86. минута. Русија и Хрватска се израмнети на првото место во групата Х со по 10 бода.

Холандија ја победи Црна Гора и славеше убедливо со 4:0 со двата гола на Депај, а по еден постигнаа Вајналдум и Гакпо. Сигурна беше и Турција, која славеше со 3-0 во Гибралтар.

Шкотите ги победија Молдавците со гол на Дајкс, додека Данска славеше доста тешко, со резултат 1:0 и со играч повеќе, на гости кај Фарските Острови. Најефикасен натпревар одиграа Израел и Австрија, а домаќинот славеше со 5:2.