Се чини дека на трагедиите во фудбалот им нема крај. Денеска францускиот второлигаш Ле Авр објави дека нивниот млад играч од одбраната починал во сон.
-Ова е ужасен момент за сите играчи, членови на стручниот штаб, волонтери, администрацијата и раководството на клубот, објави клубот на Твитер.
Самба Диоп имаше само 18 години, а оваа сезона одигра 21 натпревар за Б тимот, кој се натпреварува во четвртата лига во Франција.
C’est avec une énorme tristesse que nous vous faisons part du décès de notre joueur Samba Diop.
Il s’agit d’un moment extrêmement difficile pour nous tous.
Tout le club du HAC présente ses plus sincères condoléances à la famille de Samba.
— HAC Football ⚽ (@HAC_Foot) April 7, 2018
Причината за смртта Ле Авр се уште ја нема објавено, но на официјалниот веб сајт стои дека починал ноќта од петок кон сабота. Исто така, сите натпревари во првата и втората француска лига ќе започнат со минута молчење, а натпреварот на Ле Авр со Рем е одложен.
Смртта на младиот фудбалер кој што потекнува од школата на Ле Авр е петта нешто повеќе од еден месец. Се започна со капитенот на Фиорентина, Давиде Астори, чие безживотно тело беше пронајдено во хотелска соба во Удине. Истрагата покажа дека Астори починал од застој на работата на срцето.
Само пет дена подоцна, на скоро ист начин, поради застој на срцето во сон, почина младиот дефанзивец на францускиот второлигаш Тур, 18 годишниот Томас Родригез.. Баш како и Астори, Родригез го пронајдоа без знаци на живот во кревет. Во средината на март нова трагедија, овој пат во Норвешка. Адриан Лилебек, младиот играч на второлигашкиот клуб Конгсвингер, почина на 21 година.
Четвртиот смртен случај во црниот фудбалски мар беше онаа која ја потресе Хрватска, тимот на Марсонија од Славонски Брод. 25 годишниот Бруно Бобан после удар од топка во градите се сруши на теренот и покрај брзата реакција на присутните немаше спас.
