Душан Баевиќ, кој најверојатно ќе биде новиот селектор на фудбалската репрезентација на Босна и Херцеговина, планира во тимот да врати тројца „отпишани“, но тоа нема да оди така лесно.
Баевиќ планира да ги повика Асмир Беговиќ, Сенад Лулиќ и Огњен Врањеш.
Голманот Беговиќ можеби и ќе успее да го убеди повторно да брани за БиХ, додека Лулиќ неколку пати кажа дека ја завршил репрезентативната кариера. Најкомпликувана е ситуацијата со Врањеш, кој и правно гледано не може да игра.
Врањеш ако се појави таму, ќе биде уапсен поради прекршување на Законот за спречување на насилство и недолично однесување на спортски настани. Проблематичниот дефанзивец има спорна тетоважа со ликот на четнички лидер, а вратата на репрезентацијата му беше затворена после аферата со пејачката Јелена Карлеуша.
